Ikastola

Arizmendi ikastola sarrera

Arizmendi Ikastola Gipuzkoako Leintz Bailarako bost ikastolen bateratzearekin -Jose Arana, San Frantzisko Xabier, Umezaintza, Almen eta San Viator- sortu zen, 2003an.

Bere eskaintza 0 urtetik 21 urtera artekoa da. Haur Hezkuntza, Lehen Mailako Hezkuntza, Derrigorrezko Bigarren Hezkuntza, Batxilergoa, Lanbide Heziketa eta Prestakuntza ez arautua eskaintzen ditu.

Hamabi gune ditu hiru herritan banatuta: Aretxabaletan, Eskoriatzan eta Arrasaten. Guztira, 3.200 ikasle.

Kooperatiba integrala da Arizmendi Ikastola, hots, bazkide onuradunek (familiek), lan-bazkideek eta bazkide laguntzaileek osatuta dago. Euskal Herriko ikastolarik handiena da.

Leintz Bailarako hezkuntza-kooperatiba euskalduna den aldetik, bere oinarrizko helburua da pertsona kooperatibista eta euskaldunak garatzen laguntzea eta euren bizitzako egoerei erantzuten dakitenak eta erantzuten dietenak. Arizmendi Ikastola konfiantzaren eta integrazioaren pedagogian ardazten da.