Facebook Twitter Google+ LinkedIn Joko hezitzaile bilduma bat aurkeztu du Gestionet enpresak. Eduki osoa euskaraz dago, eta arlo askotariko jolasak dira: osasuna eta higienea, ortografia, literatura, geografia, musika, mitologia…. Profesionalentzat ez ezik, Haur eta Lehen Hezkuntzako gurasoentzat ere interesgarria! Informazio gehiago.
GEHIAGO >Facebook Twitter Google+ LinkedIn Santa Teresak eguraldiari aurre eginez, giro ederrean ospatu zituen inauteriak. Aurten ere, ohi denez, seigarrena mailakoak arduratu ziren antolaketaz, eta karaokea aurkeztu zuten. Egunari amaiera emateko, arratsaldean txokolatea hartuz agurtu zituzten haratuzteak. Seigarren mailakoak antolatzaile lanetan ez ezik, argazkilari bihurtuta ere ibili zirenez, oraingoan eurena argazki muntaia.
GEHIAGO >Facebook Twitter Google+ LinkedIn Txikienek bizi-ohitura osasungarriak ikastea du helburu programak, eta profesional espezializatuek sortutakoa da, EROSKI Fundazioaren babesean. 2017-2018 ikasturtean, laugarren aldia betetzen du, eta hasi zenetik, LHko 2.821 ikastetxe eta 400.000 ikasle aritu dira. Gurean, Santa Teresan, bi saio egingo dituzte aurten, eta lehenengoan bigarren zikloko ikasleek parte hartu dute. Argazkiak.
GEHIAGO >Facebook Twitter Google+ LinkedIn Aurten ere Santa Ageda eguna ospatu dute Santa Teresakoek. Ikasleak ahotsa findu eta Santa Ageda eta Elurra teilatuan abestiak kantatu zizkieten senitartekoei. Argazkiak.
GEHIAGO >Facebook Twitter Google+ LinkedIn Matrikulazio garaia iritsita, hainbat gunetan, Santa Teresan eta Gaztelupen kasu, ate-irekiak eta informazio-bilerak izan dira. Gurasoek aukera izan dute gure lan egiteko modua, gure espazioak, KPan oinarritutako eguneroko bizitza… bertatik bertara ikusteko. Santa Teresan, bisita gidatuan, ardatz izan dute sarrera malgua, irakurketa-idazketa prozesua, matematika manipulatiboa, IKTen erabilera, hainbat hizkuntzen lanketa…; Gaztelupen, […]
GEHIAGO >Facebook Twitter Google+ LinkedIn Eguaztenean, irakurketarekin lotutako saio baten parte hartu zuten LHko laugarren mailakoek, Kulturaten. Ikasleak taldetan banatuta labirintoan zehar abiatu ziren. Ibilbidean talde bakoitzak ipuin bat sortu zuen bidean aurkitu zituzten hainbat sekretu tarteko. Ederto ibili ziren! Gazteluondokoen argazkiak.
GEHIAGO >Facebook Twitter Google+ LinkedIn Santa Teresakoek gunean bertan zein Eroskin ospatu zuten eguna. Guraso ugari hurbildu ziren, eta, hotzari aurre eginda, gustura ibili ziren. Arimazubin, berriz, aurten bolo bolorako irakasleek hirugarren mailako ikasleak izan zituzten lagun. Olarteko argazkiak ere badira.
GEHIAGO >Facebook Twitter Google+ LinkedIn Azaroaren 24an, Arrasateko Olgeta zerbitzuko I. Pagoaga Santa Teresako ikasleekin izan zen. Olgeta haur zein helduentzako jolaserako baliabide zerbitzua da. Santa Teresan sarrera malguaren jarduera hasi berri dute, eta denbora horretan txokoetan aritzen dira. Horietako bat mahai jolasena denez, Itsasok hainbat mahai jolasen nondik norakoak azaldu zizkien haurrei eta aholku batzuk […]
GEHIAGO >Facebook Twitter Google+ LinkedIn Astelehenean, Santa Teresako adin desberdinetako ikasleak (haur hezkuntzan hasi eta seigarren mailara artekoak) elkartu, eta ipuin-kontalari lanetan aritu ziren, irakurketaz gozatuz. Gazteluondon, berriz, azken hiru asteotako martitzenetan seigarren mailako ikasleek euren bidelagun diren lehenengo mailako ikasleei ipuinak kontatu dizkiete.
GEHIAGO >Facebook Twitter Google+ LinkedIn Seigarren mailako ikasleek bi irteera egin dituzte aste honetan. Lehenengoa Udalako Ingurugiro Eskolara izan zen. Bertan, inguruko errekak ezagutzeko aukera izan zuten. Bigarrena, Meatzerreka auzora. Bertan, Agenda 21 programa dela -eta urarekin harreman zuzena duen ibilaldiaz gozatzeko aukera izan zuten. Horretarako, Udalako Ingurugiro Eskolako hezitzaileen laguntza izan zuten. Arqazkiak.
GEHIAGO >