Webgune honek cookieak erabiltzen ditu nabigazioa errazteko eta hobetzeko. Nabigatzen jarraitzen baduzu, cookieen erabilera onartzen duzula ulertuko da. Zure konfigurazioa aldatu edo informazio gehiago eskuratu nahi izanez gero, gure cookie politikara jo.
Facebook Twitter Google+ LinkedIn Martxoaren 23an Debagoieneko hiru ikastolok antolatutako krosean ikasle zein herritar ugarik hartu zuen parte, giro alaian. Orduan ere euria lagun, goizeko krosak bertan behera geratu ziren, baina arratsaldez denetariko ekimenak antolatu ziren krosaren bueltan: tonbolak, bigarren eskuko azokak, dantzak, txosnak….. Egunean zehar Etxepare lizeoko laugarren mailako ikasle eta irakasleak Gaztelupen eta […]
Facebook Twitter Google+ LinkedIn Apirilaren 16tik 22ra bitartean, astelehenetik igandera, gure bailaran izango dira Bretainiako trukeko partaideak. Ongietorria Almenen egingo diete frantses ikasgaiko Gaztelupe eta Almeneko ikasleek. Egonaldian hainbat ekintza, bisita eta txango egingo dituzte, hala nola Gernika eta Omara, Donostiara eta Bilbora. Asteburua familiekin pasatuko dute. Ongi etorri, bretoiak!
Facebook Twitter Google+ LinkedIn Opor aurreko egunak sarri erabili ohi ditugu ospakizunetarako ikastolan. Hala, Aste Santu aurretik, Gaztelupe eta Almeneko BHko irakasleak Adunako sagardotegi batera joan ziren autobusa hartuta. Langileen arteko giro ona eta umorea ezinbestekoak dira edozein lanetan, baita gurean ere! Argazkiak.
Facebook Twitter Google+ LinkedIn Datorren eguaztenean, apirilak 18, DBHko hirugarren mailako Unai Laskurain, Alaitz Gamito eta Iñaki Arroyok EITBko Gure Kasa programako Julen Telleria elkarrizketatuko dute Goiena Telebistan. Almeneko ikasleak (Garazi Estebez, Nora Carmona eta Julen Mediavilla) opor aurretik izan ziren Galdegazte saioan Agurtzane Elorriaga txirrindulariarekin. Eguazteneko saioa 21:30ean izango da. Gaztelupekoen argazkiak, platoan.
Facebook Twitter Google+ LinkedIn Bigarren hiruhilekoan, DBHko lehenengo mailako ikasleek Musika tresnen sailkapena gaia landu zuten musika arloan. Hori dela eta, ikasitakoa praktikara eramanez, musika tresnak eraiki zituzten birziklatzeko materialaz. Amaitzeko, alde batetik, Gaztelupeko sarreran, erakusleihoan, erakusketa jarri zuten, apirila osoan ikusgai egongo dena, eta, bestetik, aretoan Trakamatraka ikuskizunaz gozatu zuten. Jon Urrutia artista, musikari […]
Facebook Twitter Google+ LinkedIn Almen eta Gaztelupeko DBHko laugarren mailako ikasleak Espainiako Gerra Zibila lantzen aritu direnez, oporretatik bueltan, Intxortako lubakiak bisitatzera joan dira. Argazkiak (Almen eta Gaztelupe)
Facebook Twitter Google+ LinkedIn Aurreko egubakoitzean, batxilergoko lehenengo mailako giza-gizarte modalitateko ikasleak Fagor Electronican izan ziren. Ekonomia ikasgaian kooperatibismoa landu dutenez, bertatik bertara ezagutu nahi zuten eredu hori. Bisitan, lehenik eta behin, kooperatibaren inguruko aurkezpena izan zuten eta ondoren, bi negozio bisitatu zituzten. Irakasle eta ikasleek eskerrona adierazi nahi diete bertako profesionalei. Argazkiak.
Facebook Twitter Google+ LinkedIn Aurreko astean, bigarren mailakoak Araotz aldera joan ziren uraren bidea egitera. Teknologia eta Fisika-Kimika ikasgaietan landu dituzten hainbat gai bertatik bertara ikusi zituzten, hala nola, energia motak. Uraren bidea egin eta Oletako zentral elektrikoa bisitatu zuten. Eguraldia lagun, gainera, primeran ibili ziren! Argazkiak.
Facebook Twitter Google+ LinkedIn Gaztelupe eta Almeneko DBHko laugarren mailako ikasleak Gatzagako museoa eta Jakion enpresa bisitatu berri dute. Laster eurak salduko dituzte beraiek ekoiztutako produktuak, eta horri begira, bisita oso baliagarria izan zen. Gaztelupekoak eta Almenekoak
Facebook Twitter Google+ LinkedIn Eta 90 bat izango dira egingo dituztenak guztira. Horien artean, gainera, batzuk zeliakoentzat. Azken urteotan garizuma garaian horretan aritzen dira ZIG gelako ikasle eta irakasleak, egunero hiru, lau eta batzuetan baita bost karapaixo ere eginez. Argazkiotan ikus daitekeenez, zeliakoentzako karapaixoak badu berezitasunik osagaietan ez ezik, baita itxuran ere.
