BERRIAK

 Maiz, profesionalen lansari kontuak direla eta, irakurri eta hizpide izaten dugu gizon eta emakume arteko alde nabariegia gertatzen dela, gure eguneroko jardunean horrelakoei gehiegi erreparatzen ez badiegu ere. Ez da oso urrutira joan behar, testuinguru hurbileko gizartearen baitan suertatzen diren hamaika injustiziaren zerrenda luzean agerian agerikoa zaigu desberdintasun hau. Hain zuzen ere, ogibide berean jardun […]

Irakurri berria dut Xavier Aragayren Reimaginando la educación liburua. Bikain idatzia eta hezkuntzaren eraldaketa amesten duen edonori aholkatzeko modukoa. Hogeita bat pasartetan banatuta dago. Horietako bakoitzak hitz bakarreko titulua du eta edukia oso modu irakurterrazean adierazia: (1) Gelditu; (2) Bistaratu; (3) Diagnostikatu; (4) Hornitu; (5) Kidetu; (6) Harritu; (7) Planifikatu; (8) Konfiatu; (9) Komunikatu; (10) […]

Garai bateko kooperatiba esperientziaren aitzindari gutxi batzuen ahotan soilik hizpide izatetik gero eta zabalduagoa suertatzen ari da eraldaketa. Gauza bera beha daiteke berrikuntza hitzaz. Kontzeptu ekonomiko gisa ezaguna zaigu, produktuen ekoizpenari atxikia, merkatuan lehiatzeko eta nagusitzeko estrategia moduan, garapen ekonomiko aurreratuenaren bila, hain zuzen ere. Baina, berrikuntza soziala bestelako kontzeptu mota da. Herritarren beharrizan askotarikoei […]

Horrela zioen Francisco Aita Sainduak 2015eko otsailaren 28an Konfederazio Kooperatibo Italiarraren ordezkarien aurrean: Le cooperative sfidano tutto, sfidano anche la matematica, perché in cooperativa uno più uno fa tre! E in cooperativa, un fallimento è mezzo fallimento. Questo è il bello delle cooperative! Alegia, “Kooperatibak denari aurre egiten dio, baita matematikari ere, kooperatiban bat gehi […]

Behin, aldiro egiten genuenez, Andoni, Amaia eta hirurok elkartu ginen eta gure ingurumariko lagun askori entzuten geniona gure artera ekarri genuen: zer zentzu du gaur ikastolak? Izan ere, maiz entzuten den burutazioa edo iritzia zera da: euskara eta euskaraz eskola publikoek eta kristau ikastetxeek irakasten badute, zein da eta zerk justifikatzen du ikastolaren egungo egitekoa? […]

TUlankideko azken zenbakian idatzi du, oraingoan ere, Arizmendi Ikastolako zuzendari I. Etxezarretak. Kazetariak bere artikulutik nabarmendu duen esaldia: “Ez dago kooperazioa, pertsona ekintzaile eta eskuzabalik gabe”. TUlankide berritua aurkeztu dute urte berriarekin batera.  

Aspalditxotik ez geunden ikastolok geure hezkuntza-jarduerarengatik hedabideetan astinduta. Garai batean, Madril ingurumariko esatari edota politikariek adierazi ziguten ez ginela euren gustukoak. Ahaztu ez, baina atzean utzita zeuden topikoak eta leloak zirelakoan geunden. Arizmendi Ikastolaren kasuan, bestalde, emaitza akademikoekin batera, handik eta hemendik jasotako sariak eta errekonozimenduak ditugu iraganean eta azken urteotan ondo egindako lanaren seinale. […]

Pedagogiaren historiari so eginez gero, hezkuntza eraldatzen saiatu diren berritzaileak ezertan saiatu badira, hezkuntza-espazio tradizionalak iraultzen eta heziketaren giro alternatiboak sortzen izan da. Elkarrizketa osoa.

Gaurkoa ulertzeko, atzokoa aztertu. Biharkoa eraikitzeko, gaurkoa eraldatu. Jende askori, gazteei bereziki, baina adinean aurrera doazenei ere, hezkuntza euskalduna noiztik gure bailaran den galdetuz gero, haien erantzunak, kasu gehienetan, hezkuntza euskalduna XIX. mendean lekutuko luke. Aspaldikoa kontu bezala sentitzen dute. Oso gutxik zehazten dute XX. mendearen erdiko aldian hasi zela Euskal Herriak hezkuntza propioa izaten. […]

Lekukotasunik onena, egindakoa. Horixe bera agerian utzi dute oñatiarrek, Txantxiku ikastolaren eskutik, 2017ko Kilometroak antolatu eta kudeatu dutenean. Erronkari erantzuteko lekaixoka ireki zuten zirkuitua eta ondo egindako lanak ematen duen satisfazioaz lekaixoka amaitu zuten eguna. Bejondeiela!! Horrelako festak eta jende biltzeak baliatzen dituzten zenbaitek uneko politikagintzarekin zerikusia duten gaiak hizpide izateko euren diskurtso eta adierazpenetan. […]