BERRIAK

Urte arraroa izan da aurtengoa, gauza asko kendu dizkigu, baina ez denak. Familiekin batera erabakia hartu eta gero, Basabeazpiko 5 urteko haurrak gaua pasatzera joan ziren Galartzara. Aste guztiko urduritasunak maletan sartu eta autobusez gerturatu ziren bertaraino. Etxea ezagutu, oheak banatu… Eta tailerrak egiteko ordua.  Arratsaldean ibilaldia egin zuten, Naparrena baserrira, bueltan Etxezuri baserrian geratu […]

Azken aste hauetan bizikletak izan dira nagusi Almen gunean. Alde batetik, DBH1 eta 2ko ikasleak Natura-Ekintzak atalari heldu diote heziketa fisikoaren gaian. Eta ikasturte horietan bizikletaren inguruko jarduerak egiten dituzte esaprru horretan: Bizikletan nola ibili bideetan, zirkulazio arauak, bizikletaren mekanika eta, bukatzeko, bizikleta ibilaldiak ere egiten dituzte.  Batxilergoko 1 mailan, ikasturtea agurtzeko ere bizikletaren pedalei […]

Astelehenean, Kimu proiektuaren ezaugarri nagusien aurkezpen-saioa izan zen. Ikaselkar Hezkuntza Argitaletxeak sortutako materiala da eta hiru proposamen didaktikotan egituratu da: erronka, euskara eta literatura eta matematika. Materialaren ekoizpenean lantalde desberdinak ibili dira lanean, eta Leire Arana, Arizmendi ikastolako irakaslea, izan da proiektu honi begirada matematikoa eman dion kideetariko bat. ZOOM plataforma bidez egin zen aurkezpena […]

Almen guneko 2.mailakoek naturako elementuetatik abiatutako proiektua jarri dute martxan. Ibilaldi batekin eman zioten hasiera. Almen gunetik hasi, Urkulura joan eta Almenera bueltan etorri ziren ibilbide zoragarri bat eginaz. Horretan zehar ageri diren elementu batzuk aztertu zituzten, horien artean,  Bolina eta Areatza auzoak,  inguruan ditugu mendien, landareen zein animalien izenak…. Atxurdin baserrian, ikastolako ikaslea den […]

Proiektuen sakontasunetik irtetzeko, Lehen Hezkuntzako 5. mailako ikasleak bizi-astean murgildu dira. Deskonektatzeko eta jarduera ludiko eta dinamikoagoak egiteko egun batzuk hartzen diren lehen ikasturtea da, betiere mugikortasuna eta gozamena sustatuz. Aurtengo gaia ekialdetik mendebaldera izan da, eta helburua ikasleei mugitzeko, orientatzeko eta naturan moldatzeko tresnak ematea izan da: mapak, orientazioa, GR markak, motxilan eraman beharrekoa, […]

Aste honetan ibili dira zenbait ikasle ingeleseko B2 mailako titulua ateratzeko probari begira Mireia Muruamendiaraz irakaslearen azalpenak entzuten. Arizmendi ikastolak baimena du azterketa hauek bertan egiteko. Urtean zehar 3 deialdi egiten dira, eta batean edo bestean izena emanda, makina bat ikaslek egin dute saiakera.  Aurten DBH3 eta DBH4ko ikasleei ere egin zaie eskaintza, ekaineko deialdian […]

Almen guneko Lehen Hezkuntzako 2. mailakoak  Aretxabaletako eta Eskoriatzako herrietara gerturatu dira; pandemia egoera honetan, herritik ateratzerik ez eta herriak eskaintzen dituen jolas aukerak ezagutzeko asmoz. Herrietako jolastoki zein natur guneak ezagutu eta aztertu dituzte eta makina bat daudela konturatu dira. Hori horrela, jolastoki zein natur gune gustokoenekin hormairudiak sortu dituzte eta Almeneko sarrera apaindu […]

– ESKOLA EGUTEGIA Zuzendaritzak landutako proposamena Partaidetza Sozialeko Organoak maiatzaren 19an aztergai izan zuen, hiru taldetan banatuta: Haur Hezkuntza, Lehen Hezkuntza eta Bigarren Hezkuntza. Gaurko bileran horren guztiaren berri eman eta 2021-2022 ikasturteko eskola-egutegia onetsi dugu. – DATORREN IKASTURTEKO ESZEDENTZIAK Garai honetan urtero ohi denez, laneko bazkideek barne arauak betez eskatu dituzten eszedentziak ebatzi ditugu. […]

Irakurle! Beste ezeri heldu aurretik, ikus ezazu bideo labur hau: Ekimen aparta, beraz, Almeneko DBH4koek martxan jarri dutena! Izan ere aldizkaria hutsetik hasita sortea ez baita lan makala; atalak diseinatu, edukiz bete, argazki, grafismo eta maketazioa zehaztuz diseinua eraiki… aspektu hauek guztiak kontuan hartuta jardun behar izan dute, eta hala jaio da TAB aldizkaria. (Tontokeixak […]

Aste honetan Almen guneko LH6ko ikasleak Eskoriatza modu sakonagoan aztertzen aritu dira: D2030 ekimeneko 11. helburuari helduta, “Herri Jasangarriaren” ideiaren azpian, herriko dendetako produktuen jatorria, kalitatea eta prezioak aztertzen aritu dira. Eta ea elikagai orekatuak herritar guztien esku egon ote daitezkeen ere hausnartzen aritu dira.