BERRIAK

Familia hori,  PANTAILAK EUSKARAZ ekimenaren izenean idazten dizugu gutun hau. Pantailek geroz eta zati handiagoa hartzen dute gure aisialdian, eta euskarak haietan duen tokia hutsaren hurrengoa da. Errealitate horrek kezkatzen gaituenez, hainbat elkarte eta herri mugimenduk egin dugu bat Pantailak Euskaraz ekimena sortzeko. Azken ikerketen arabera euskararen kale erabilera jaisten ari da Euskal Herriko herri […]

Orbeak berriki aurkeztu du udaberri-uda denboraldirako txirrindularien arropa sorta berria, eta, berriro ere, Hiru arropa-marka gazteak egindako bilduma batekin aurkeztu du. TU Lankideren bidez bi ekipamendu zozketatuko dira, bata emakumezkoena eta bestea, gizonezkoena. Zozketan parte hartzeko, ondorengo web-orriaren behealdean agertzen den formulategia bete. Azken eguna irailaren 22a izango da.

Giro ezin hobean ospatu genuen Ikastolaren eguna joan zen ostiralean. Goizetik hasita, eta eguraldia lagun, Ikastolako ikasle, irakasle eta familiek egun bereziaz gozatzeko aukera izan genuen.   Arrasateko lehen Hezkuntzako haurrak, goizean goiz Biteri plazan elkartu ziren ginkana bat burutzeko, eta ondoren Olarteko haurrek danborrada egin zuten Herriko plazan. Arratsaldean Biteri plazan jarraitu zuen jaiak. […]

Ikasturte amaiera iritsi da, eta udako giroa aprobetxatuz, gure Ikastolan irteera eta ekintza berezi pilabat antolatzen ari gara azken aldian! Arimazubiko LH 3koak Txingudiko paduran egon ziren bertako ekosistema ezagutu eta behatzen. Eguna borobiltzeko, Hondarribiko hondartzan pasa zuten arratsaldea. Argazkiak. Almeneko LH 3koak Zumaian izan ziren. Flyshetik ibilalditxo bat egin ondoren hondartzan bazkaldu zuten eta […]

Ikasturte bat pasatu da gure ikastolan LH guztian matematikan eragiketak beste modu batean egiten hasi ginenetik. Batuketak, kenketak, biderketak, zatiketak… Eta, gainera, matematika hori baino askoz gehiago denez, gauza bera esan dezakegu geometriaz, neurriaz, logikaz… Pentsamendu matematikoaz, orokorrean! Izan ere, eraldaketa eta formazio prozesu sakona egin dugu matematika lantzeko moduan LHko gune guztietan azken urteetan, […]

Astelehenean, hilak 13, Gipuzkoako Eskolarteko Bertso-paper Lehiaketaren sariak banatu ziren Almenen. Bertan elkartu ziren hiru bailaratako ikasle saridunak, tartean, Debagoienekoak. Arizmendi Ikastolako bi ikaslek jaso zuten saria. Alde batetik, Gazteluondoko Aretz Arenazak eta bestetik, Almeneko Leire Luelmok.  Zorionak bikote! Argazkiak.

Alaitz Etxebarria Maortua, Gaztelupeko DBH 4ko ikasleak, Urruzuno Literatur lehiaketako poesia kategorian saria jaso du. Ikasturte honetan hil zitzaion amamari eskaini dio poesia Alaitzek; bere lana, Amamaren baserriaren ingurukoa izan da.  Alaitzek kontatu digunez, izugarri gustatzen zaio idaztea, eta Urruzunorako egin zuen lana, ihauterietarako bukatuta zuen. Maiatza bukaeran jaso zuen saria irabazi zuenaren albistea. Lekua […]

Gaztelupeko DBH 2ko ikasleek ekainaren 15ean kulturaniztasunaren eguna ospatu zuten Arrasateko herrian zehar. Ikasturteko azken proiektua izan da: Ni Arizmenditarra. Horrela Arrasateko biztanleek hainbat kultura ezagutzeko aukera izan zuten, beste batzuen artean gastronomia, folklorea, hizkuntzak, jolasak, ohiturak… Ikasle, irakasle eta bertara hurbildu ziren herritar guztiek, ekimenaz gozatzeko aukera izan zuten. Argazkiak. Testua: Gaztelupeko taldea.

Azken egun hauetan Almeneko DBH 2ko ikasleak geometria beste era batera lantzen ari dira. ikasturtearen azken txanpa honetan kanpora atera eta, besteak beste, futbol-zelaian dauden jolasak aintzat hartuta, geometria ariketak egiten dihardute.  Gustura asko dabiltza gazteak! Argazkiak. Testua: Almeneko taldea.

Ikasturteari itxiera emateko, Arimazubiko ikasle, guraso eta profesionalen Euskara Batzordea elkartu da aste honetan. Ikasturtean egindakoaren balorazioa egin dute, baita aurrera begira landu daitezkeenak aztertu ere.  Egindako lana ondo baloratzeaz gain, datorren ikasturtean bide beretik jarraituko dutela ondorioztatu dute. Jakin, LH5 eta 6ko ikasleen Euskara Batzordeak, gurasoekin partekatuko duela bertan landutakoa. Bejondeizuela! Testua: Arimazubiko taldea.