BERRIAK

Zapatuan abiatu ziren batxilergoko 2. mailakoak –101 ikasle eta bost irakasle– Italiarantz ikasbidaian. Bertan astebeteko egonaldia egingo dute. Atzo Nizan geldiunea egin ostean, Pisan izan ziren, eta gaurtik aurrera honako hiriak bisitatuko dituzte hurrenez hurren: Montecatini, Florencia, Siena eta Erroma. Bidaia autobusez egingo badute ere, itzulera Bartzelonaraino itsasontziz izango da. Bidaiaren helburuak harremanak sendotzea eta […]

Umezaintzako haurrek ikasturteko lehenengo landareak landatu dituzte Umezaintzakoak gogotsu hasi dira ortua martxan jartzen ikasturteari behar bezalako hasiera emateko. Joan zen astean, bost urteko haurrak azokara joan ziren landareak erostera, eta ondoren negutegian eta ortuan landatu zituzten. Aurrerantzean, izango dute, bada, zaintze-lanik (belar txarrak kendu, ureztatu….) fruitu eta barazki ederrak jaso nahi badituzte. Argazkiak

Egunotan ikastolako LHko 5. mailan Teatro Paraiso Antzerkiko kideak, tailerren bitartez, ikasleak protagonista izango dituen argazki erakusketa prestatzen ari dira. Aste osoan talde bakoitzarekin eguneko ordu eta erdiko tailerrak egingo dituzte, eta ostegun eta ostiralean denok elkartuko dira Gazteluondoko gimnasioan argazki-bilduma kooperatibo bat egiteko. Donostia 2016 Hiriburu kulturalaren egitarauan Erakusketa Kooperarock obraren osagarri izango da. […]

EKI Arizmendi Ikastolan bideoa egin da guraso, ikasle eta irakasle berrientzat. Arizmendi Ikastolak lau urte daramatza DBHn EKI egitasmoarekin. Ikastolen Elkartearen egitasmoa da EKI, eta Arizmendi ikastolak horren aldeko hautua egin zuen Konfiantzaren Pedagogiaren markoari egoki erantzuten diolako, izan ere, ikasleek konpetentziak lantzen dituzte eta bizitzako egoera errealetarako prestatzen dira. Lanketa euskarri digitalean egiten da. […]

Euskal kulturaren baitan bertsolaritza landu ohi dute, besteak beste, Basabeazpin (Haur Hezkuntza, Aretxabaleta). Iazko ikasturtean, hainbat bertso-eskola sortzaile eta bertsolari izan ziren bertako haurrekin solasean. Horren harira Bertsolari aldizkarian Beñat Zamalloa kazetariak bertako pedagogia arduradun Iñaki Gonzalez elkarrizketatu du. “Gakoa, gaia bera baino gehiago emozioa aktibatzea izaten da, bizipena izateko aukera izatea, horrek sortzen duelako […]

Ohi denez, uda honetan ere egin dira hainbat obra ikastolan. Garrantzitsuenak Jose Aranakoak dira, neurriagatik ez ezik baita iraupenagatik ere, Gabonak arte luzatuko dira-eta. Arimazubin (LH, Arrasate), bestalde, 1. zikloko geletan egin dira. Bertan, kristalak gehitu dira gela eta pasilloetan eta harmailak jarri dira. Jose Aranakoak obrak iraun bitartean, Huheziko Eskoriatzako eremuetan Uztailaren 4an hasi […]

Uztailaren erdi inguruan Arizmendi Ikastolako zortzi lagun (irakasle eta zuzendariak) Holandara joan ziren lau egunez, bertan ikasleek proiektu bidez nola lan egiten duten ikustera. Hiru eskola bisitatu zituzten, eta argazkietan ikus daitekeenez, oso espazio zabalak dituzte eskolek eta oso bestelakoak dira eskola tradizionalekin alderatuz. Irakasle taldeak antolaketaren berri ere izan zuen. Izan ere, ikasturte honetan […]

Aste honetan ekingo diote ikasle gehienek ikasturte berriari. Lanbide Heziketakoek (Ferixalekua) eta Oinarrizko Lanbide Heziketako 1. mailakoek (Zaldibar) gaur izan dute aurkezpena. Bihar, berriz, DBHkoen eta batxilergokoen txanda izango da. Hasten azkenak gazteenak izango dira, Haur eta Lehen Hezkuntzakoak, hain zuzen ere, eguaztenean, hilak 7an, izango baitute lehen eguna. Lehen eta Bigarren Hezkuntzakoek eskolak goizez […]

Aurten seigarrenez antolatu dira Haur Hezkuntzako udaleku irekiak Arizmendi Ikastolako hiru herrietan: Aretxabaletan (Basabeazpi), Arrasaten (Uribarri, Umezaintza eta Olarte) eta Eskoriatzan (Jose Arana). Uztailaren 4tik 8ra bitartean egin dira eta Arizmendi Ikastolako eta Atlhoneko lankideak izan dira arduradunak. Egitarau berezia egin dute aurtengoan ere, egun bakoitzari bere izena emanez (San Fermin eguna, fantasiaren eguna, uraren […]

Aurreko astean, Haur Hezkuntzako irakasle Iñaki Gonzalezek eta etapa bereko orientatzaile Arantza Lejarragak Euskal Herriko Unibertsitatearen Udako ikastaroetan hitzaldia eman zuten Konfiantzaren Pedagogiaren inguruan. Besteak beste, Arizmendi Ikastolan egiten ari diren eraldaketa pedagogikoaz mintzatu ziren eta denbora eta espazioaren gaineko kudeaketaz. Hainbat hedabidek jaso dute euren hitzaldiaren berri: Gipuzkoako Hitzak eta Noticias de Gipuzkoak, esaterako.