BERRIAK

EUSPOT 11. edizioko sari banaketa ekitaldia izan zen atzo, Aretxabaletako Arkupe kultur etxean. Zaraia aretoa jendez bete zen irabazleen izenak zeintzuk ziren jakiteko eta lanak txalotzeko. Lehiaketan aurkeztutako 95 iragarkietatik epaimahaiak aukeratutako 20 finalistak ikusi ahal izan ziren pantaila handian, eta ekitaldi ostean luntxaz gozatu ahal izan zuten bertaratu zirenek. Arizmendi Ikastolatik 56 lan aurkeztu […]

Aurten makina bat auzolan-saio egin ditugu Almenen. Bada, joan zen astean, aurtengo ikasturteko azkena egin genuen, eta oraingoan gurasoak ere deitu ditugu bertara. Sasiak kentzea, pintaketak, garbiketak… Askotariko lanak zeuden egiteko, eta gogotsu eta giro ederrean jardun zuten guztiek. Mila esker, bene-benetan lanera hurbildu zineten guztioi. Ikastola, denon artean eraikita izango baita, benetan denon Ikastola! […]

Arizmendiko, Bergarako, Oñatiko 72 igerilarik hartu zuten parte pasa den igandean Aretxabaletan jokatu zen Arizmendi Kirol Elkarteko lagunarteko igeriketa sarian. Aretxabaletako Ibarra kiroldegian egin zen, eta gaztetxoek festa giroan agurtu zuten igeriketako euren denboraldia. Argazkiak.

Martxa ederrean ibili ziren joan zen astean Jose Arana guneko ikasleak! Alde batetik, 5 urtekoak Galartzan egon ziren, eta bertan bi egun pasatu zituzten. Hainbat ekintza egiteaz gain, auzoan buelta bat ere eman zuten berau ezagutzeko, eta eskulanak eta erroskilak ere egin zituzten. Ederto ibili ziren! Argazkiak. 2 eta 3 urtekoak, berriz, Gatzagan egin zuten […]

Kotxerik gabeko eguna antolatu zuen asteazkenean Almen guneko iraunkortasun batzordeak. Betiere salbuespenak kontutan hartuta, egun horretan kotxea etxean uzteko ahalegin berezia egin zuten Almeneko kideek, eta Aretxabaleta zein Eskoriatzako ikasle eta profesionalak oinez, bizikletaz eta patinetez etorri ziren Ikastolara. Ohitura osasuntsuak eta bizitza aktiboa sustatu, ikasleen segurtasuna bermatu, CO2 isurketak murriztu, eta Almen gunean kotxeen […]

Ikasturtea amaitzeko eta natura gaia lantzen gabiltzala aprobetxatuz, Gazteluondo LH 1ekoek Garaion Sorgingunera irteera egin genuen pasa den ostiralean. Landaketa lana gertutik ezagutzeaz gain, naturaren kontaktuarekin gozatzeko aukera izan genuen. Gustura ibili ginen, benetan! Argazkiak. Testua: Gazteluondoko taldea.

Pasa den astean Almeneko LH 2-4 eta DBH 3ko ikasleak Aretxabaletako Udaleko forora joan ziren, Agenda 2030en egitasmoan egindako ikerketen eta eraikitako proposamenen aurkezpena egitera.  LH 2koek ura aurrezteari buruz jardun zuten; LH 4koek, dieta aberatsaren garrantziaren inguruan, eta DBH 3koek, berriz, inguruko biodibertsitateaz hitz egin zuten. Argazkiak.

Joan zen astean Garaionen egon ziren Umezaintzako 3 eta 4 urtekoak. Bi tailer egiteko aukera izan zuten bertan; bat, baratza tailerra, lurra eta buztinakin jolastu eta haziak erein, eta bestea, naturako elementuekin jolastu eta arte lanak sortu. Argazkiak.  2 urtekoak, berriz, Aramaixoko Andra Marin egon ziren egun pasa. Argazkiak. Eguraldia lagun, primeran pasatu zuten guztiek!

2018an egin genuen lehenengoa, 2020an bigarrena eta, esaerak dioen moduan, ez dagoenez bi hiru gabe, badator 3. Euskaraldia, aurrekoetan egindakoa sendotu eta euskara biziberritzeko prozesuan jauzi kualitatiboak emateko gogoz. Izan ere, aurreko bi edizioen ostean egindako ikerketek argi erakusten dute Euskaraldia ekimen eraginkorra dela, eta herritarrok euskararen erabilera indartzen jarraitu nahi dugula, gainera. Motorra berotzen […]

Azken hogeita hamaika urteetan egin izan dugun Abesbatzen Topaketaren ordez, Herria Kantari jaialdia egin genuen joan zen zapatuan.  Santa Teresa, Arimazubi, Almen eta Gaztelupeko ikasleak Arrasate erdigunetik abesti herrikoi eta ezagunak kantatzen ibili ziren kalean gora eta behera. Abestu bakarrik ez, dantzarako eta kalejirarako tartea ere izan zuten.  Eguraldia lagun primeran pasatu genuen! Mila esker […]