Gune txiki eta polit bezain familiarra dugu Santa Teresakoa, eta bere auzoarekin konprometitua. Horren adierazle dira, bertan eragin eta ekarpena egiteko abiatu dituzten proiektu anitzak.
LH 1-2koak “Auzoa garbi” PROIarekin ibili dira aste batzuetan, Musakolan garbiketak lanak egin eta bertan elkarbizitzarako ohar batzuk jarri dituzte, besteak beste. LH 3-4ko ikasleak, berriz, “Debagoiena eta Arrasate ezagutzen” PROIa lantzen ari dira; auzora irten eta hainbat galdera egin dizkiete bertakoei, Arrasate eta Debagoienaren inguruko informazioa jasotzeko asmoz. Eta txikienak, “Kaketan plost” proiektuarekin dabiltza lanean aste honetan; auzora irten eta bertan txakur kakak kontatzen ibili dira, egoeragatik kezkatuta. Hurrengorako, zer izango ote dute prest? Argazkiak.