BERRIAK

Agur bero eta sentikorra egin diote Santa Teresa guneko ikasle eta irakasle guztiek Lurdes Arregiri. Ikastolan 38 urteko ibilbidean egindako lan guztia bihotzez eskertu eta zorte onena opa izan diote biziko duen etapa berrian. Argazkia eta bideoak.

Ostiralean hasi ziren Inauteriak ospatzen Jose Aranan. Bakoitza nahi zuen bezala mozorrotuta etorri zen ikastolara. Asteartean, aldiz, 3-6 bitarteko umeak Euskal Inauterietako mozorroekin etorri ziren: Zanpantzarrak, Mundakako lamiak eta Atorrak, ziripot, txatxuak, Miel otxin, Eskoriatzako kukumarruak, artzaia eta hartza. 2 urtekoak marigorringo mozorrotu ziren eta urtebete eta sehaskakoak katu. Asteartean frontoira joan ziren 3-6 urtekoak […]

Kolore eta izaera anitzeko Inauteriak izan dituzte Olarten; euriak eta eguzkiak bat egiten dutenean sortzen den ortzadarra bezain koloretsu eta anitza. Era guztietako mozorro eta jantziak soinean, umore ona izan zen nagusi Astearte Inauteri egunean, euskal irria ezpainetan eta alaitasuna bihotzetan. Bideoa.

Inauterien inguruan makina bat prestaketa eta antolakuntza lan egin behar izaten da etxeetan eguna  bera iritsi baino lehen. Kinttoak lehenago eta Txapel Txin eta Urdailardero beranduago motorrak berotzen hasteko seinalea izaten dira. Horri guztiari gehitzen badiogu Inauteria herrietan egun ezberdinetan ospatzen dela, bada, festa honek iraupen luzekoen tankera hartzen du. Gainera, Inauterien marrazki koloretsuari azken […]

Arimazubiko ikasle berri batek duen ikusmen urritasuna dela eta, sentsibilizazio saioa jaso dute irakasleek. Ikusmen murriztua duten ikasleen inklusioa lortzeko IBT-CRI Donostiako teknikaria den Esther Reoyok ekarritako tresnei esker, ikaslearengana nola hurbildu ikasteaz gain, egunerokotasunean dituen zailtasunak beraien azalean bizi izan zituzten. Argazkiak.

Arimazubiko 1go mailako ikasleak gorputza eta elikadura osasuntsua lantzen ari dira. Bertatik bertara animali ezberdinen gorputzeko atalak ezagutzeko aukera izan dute ikasle baten amari esker. Azalpenak adi adi entzun ondoren, ausartenek aukera izan dute organo ezberdinak ikutzeko. Izugarri gozatu dute. Eskerrik asko Zorione! Argazkiak.

Aurreko ostiralean, Lanbide Heziketako GIKAI, Erizaintzako Zaintza Osagarriak eta Osasun Larrialdietako ikasleek Retinosis Gipuzkoa Begirale elkarteak ikusmen murriztua duten pertsonen inguruan sentsibilizatzeko egin duten erakusketa interaktiboan parte hartu zuten. Argazkiak.

Gaur Uribarrin Ihauteri festa handia ospatu dute. 2 eta 3 urtekoak margolari mozorrotu dira. 4 eta 5 urtekoek, aldiz, mimo mozorroa jantzi dute. Primeran pasatu dute eguna! Gora Ihauteriak!! Argazkiak.

Batatoz, badatoz Aratusteak!! eta badator Arizmendiko txaranga!! Aratusteei ongi etorria emateko  Basabeazpiko haurrak eta Almeneko 5 eta 6.mailakoak elkarrekin, peluka buruan eta turuta eskuan Aretxabaletako kaleak alaitu dituzte. Herrian Aratusteen poztasuna eta alaitasuna zabaldu dute. Familiak, langileak eta ikasleak elkarrekin txarangan, zein momentu politak!! Handiak txikien gidari, txikiak handien bidelagun…. aurrera jarrai dezagun!! Gozatu Aratusteak!! […]

Astelehean, Arizmendiko Lehen Hezkuntzako 1-4 maila bitarteko ikasleen gurasoek Gozamenezko irakurketari buruzko formazioa jasotzeko aukera izan zuten Intza Alkainen eskutik. Intzak, irakur zaletasuna sustatzeko gomendio batzuk eman zizkien. Horretaz gain, berak ekarritako liburuak ikutu, irakurri eta horietaz gozatzeko aukera izan zuten. Argazkiak.