BERRIAK

Eguaztenean, Gaztelupeko DBHko lehenengo eta bigarren mailako ikasleak Arrasateko euskalgintzako marka-irudi berriaren aurkezpen ekitaldian izan ziren. Euskalgintzako mahaiak “Euskararen Plaza” izango den tokian (Ereindajan pareko parkean) egin zuen prentsaurrekoa. Domekan, berriz, plaza horretan bertan mosaiko erraldoi bat jarriko dute, eta hain zuzen ere, hori egiten aritu ziren atzo BAZARA ikasle ordezkariak. Bost egunetako egitarau oparoa […]

Lehen Hezkuntzan, areto nagusian ekitaldi ofiziala eginez hasi dute goiza. Euskararen aldeko manifestua irakurri eta bertsoak abestu ondoren, adinen araberako egitura alde batera utzi eta nahastuta pasatu dute goiza (mimika eginez, marrazketa, eskulan eta gorputzarekin irudiak eginez…) DBHko lehenengo zikloan,, euskarazko atsotitzen inguruko bideo-lehiaketa antolatu dute eta dantza-lehiaketa, besteak beste. Bigarrenean, berriz, filma ikusi dute […]

Aurreko eguenean, hilak 23, Umezaintzako lau urtekoak Izenadubara joan ziren egun pasa. Euskal mitologiaren inguruko proiektua lantzen ari direla aprobetxatuz eta heltzear dugun garaia kontuan hartuz, Olentzeroren baserria bisitatu zuten eta landutako pertsonaia mitologikoak ezagutu. Goizean goizetik haurrak poz-pozik, eta eguraldia lagun, primerako eguna pasatu zuten! Argazkiak.

Aurreko egubakoitzean, Indarkeria Matxistaren aurkako Egunaren bezperan, Almeneko DBHko laugarren mailako ikasle talde batek, gaian sentsibilizatuta, ikastolako hormak mezuz bete zituzten, eta gelaz-gela joan ziren azalpenak emanez eta gainerako ikasleak hausnarketara bultzatuz. Hainbat gelatan ikuspuntu ezberdinetako elkarrizketak eragin zituen ekintzak, eta aukera sortu zen gaiaz jardun ahal izateko. Irakasleek txalotu egin zuten, bereziki, ikasleek bultzatutako […]

Azaroaren 16an, DBHko laugarren mailako ikasleak, Arantza Berezibarrekin batera, Gazteluondon izan ziren seigarren mailakoei euskal diasporaren aurkezpena ingelesez egiten. Argazkiak.

Azaroaren 24an, Arrasateko Olgeta zerbitzuko I. Pagoaga Santa Teresako ikasleekin izan zen. Olgeta haur zein helduentzako jolaserako baliabide zerbitzua da. Santa Teresan sarrera malguaren jarduera hasi berri dute, eta denbora horretan txokoetan aritzen dira. Horietako bat mahai jolasena denez,  Itsasok hainbat mahai jolasen nondik norakoak azaldu zizkien haurrei eta aholku batzuk eman. Mila esker, Itsaso! […]

Atzoko arratsalde euritsuari kolore pixka bat emateko, Umezaintzan gaztaina erre eguna ospatu zuten. Bertako bi familiatako kideak etorri ziren danbolin eta guzti, eta gaztaina erre goxoak prestatu zituzten haur eta helduentzako. Haurrek errekinaren dantza egin zuten, eta hain ondo egin ei zuten, ezen horren truke gaztaina eskukara bana jaso zuten! Argazkiak.

Astelehenean, Santa Teresako adin desberdinetako ikasleak (haur hezkuntzan hasi eta seigarren mailara artekoak) elkartu, eta ipuin-kontalari lanetan aritu ziren, irakurketaz gozatuz. Gazteluondon, berriz, azken hiru asteotako martitzenetan seigarren mailako ikasleek euren bidelagun diren lehenengo mailako ikasleei ipuinak kontatu dizkiete.

Seigarren mailako ikasleek bi irteera egin dituzte aste honetan. Lehenengoa Udalako Ingurugiro Eskolara izan zen. Bertan, inguruko errekak ezagutzeko aukera izan zuten. Bigarrena, Meatzerreka auzora. Bertan, Agenda 21 programa dela -eta urarekin harreman zuzena duen ibilaldiaz gozatzeko aukera izan zuten. Horretarako, Udalako Ingurugiro Eskolako hezitzaileen laguntza izan zuten. Arqazkiak.

Datorren martitzenean, azaroaren 28an, eguerdiko 12:00etan, Arkitektura HHn Konfiantzaren Pedagogia liburuaren aurkezpena egingo da Arkitektoen Elkargoaren egoitzan. Bertan lagun hauek izango dira: Aitor Axpe proiektu-koordinatzailea; Arantza Lejarraga, Arizmendi Ikastolako HHko orientatzailea; Aitor Elizaran, Arizmendi ikastolako Haur Hezkuntza zuzendaria eta Judith Ubarrechena, Gipuzkoako Arkitektoen Elkargoaren presidentea. Konfiantzaren Pedagogiari egoki erantzun ahal izateko ezinbestekoa zaigu arkitekturak eta metodologiak […]