BERRIAK

Gazteluondoko LH 1eko ikasleak Olartera egon ziren bisitan pasa den astean. Aurreko ikasturteko irakasle eta lagunak agurtu zituzten, eta ondoren, abesten eta dantzatzen pasatu zuten goiza guztiek batera! Irudiak.

Almeneko DBH 4ko ikasle talde bolondres bat Ibarrako Kilometrotan izan zen igandean. Beste 20 ikastolekin batera erronkan parte hartu zuten, eta proba ezberdinetan lehiatu ondoren, 2.sariarekin bueltatu ziren etxera! Almenekoek kontatu digutenez, eskuratutako 500€-ak ikasbidairako gordeko dituzte. Erronka hau nerabeek jaiak beste era batera bizi ditzaten, Kilometroen baitan 15-16 urteko gazteentzat antolatu den, txapelketa ekimen […]

Arrasateko pertsona nagusien astearen programaren baitan, Arizmendi Ikastolako Lanbide Heziketako Erizaintza Zaintza Osagarrietako zikloko ikasleek Iturbide egoitza bisitatu genuen pasa de ostegunean Sasoibideko kideekin batera. Solasaldi interesgarriak izan genituen egoiliarrekin, eta bingoan jolasten aritu ginen. Esperientzia polita izan zen, errepikatzeko modukoa!  Lerro hauen bitartez eskerrik beroenak eman nahi dizkiegu Sasoibide eta Iturbide Egoitzari, eman ziguten […]

Onki Xin Gurera (Ongi etorri gurera) izenburua daukan PROIak etorri berriak ditu ardatz. Hori dela-eta, jatorriz sahariarrak diren Suadu eta Ouiame emakumeak izan ziren Almenen eta Arimazubin beraien bizipenen berri ematen. Ikasleak hainbat momentutan hunkitu egin ziren beraiek kontatutakoak entzunez, eta amaieran interesa adieraziz zenbait galdera egin zizkieten.  Abiapuntu ederra izan zuten hurrengo asteetan zehar […]

Almen eta Gaztelupeko DBH 3ko neska-mutilak Gipuzkoako Batzar Nagusietara joan ziren joan zen astean. 200 bat ikasle izan ziren bertako instalakuntzak bisitatzen, Xabier Ezeizabarrena GBNko lehendakariak gidatutako saioan.  Ikasleak PROIetan lantzen ari diren gaiekin lotutako bisita izan zen, eta hauek galdera eta kezkak partekatzeko aukera izan zuten lehendakariarekin. Irudiak.

Joan zen astean Almeneko batxi 2ko ikasleak Portugal aldean izan ziren. Eguraldia lagun, giro onean eta gustura ibili omen ziren. Bainuak hartzeko aukera ere izan omen zuten eta baita Lisboa, Oporto, Aveiro… herri eta hiriak bisitatzeko ere. Primerako egunak pasatu zituztela kontatu digute! Eta aste honetatik aurrera, berriz ere ikasturteko lanei serio heldu beharko diete. […]

Ikasturte hasierako ohiturari eutsiz, Santa Teresako GURA eta BATUko ikasleek asanblada egin dute.  Bertan ikasturteko arauak eztabaidatu eta adostu dituzte; barne espazioetakoak, komunetakoak, jolastokikoak, euskararen erabileraren ingurukoak…  Ikasleek talde ezberdinetan esleitutako espazio edo gaiaren inguruko behaketa bat egin dute astean zehar, eta ondoren, asanbladan bozketa bitartez guztion artean arauak erabaki dituzte. Irudiak.

Eskualdeko errekak bizirik mantentzeak duen garrantziaz jabetuta, “Debagoienean errekak bizirik” ekimena sortu dute bailarako zenbait norbanako eta eragilek. Urriaren 15ean egingo den Erreka Egunean auzolana egingo da, Deba ibaia eta bere adarrak garbitzeko. Garbiketa lanak egiteaz gain, eremuak ezagutzeko parada ezin hobea izango da. Garbiketarako topalekuak egongo dira bailarako herri ezberdinetan. Ekimenean parte hartu nahi […]

Bi urteren ostean, ikasturte hasierako ohiko irteerak berreskuratu ditugu ikastolako guneetan. Gure bailarako natur txoko ederrez gozatuz, ikaskide zein lankideekin ikastolako espazioetatik kanpo harremantzeko eta elkar ezagutzeko aukera paregabeak izaten dira txango hauek. Bedoña, Kurtzetxiki, Udala, Garagartza, Muru, Kurtzebarri, Atxorrotx, Urkulu, Eraña, Mendiola… eta beste hainbat txoko bisitatu ditugu azken astean. Gazteluondoko LH 1go ziklokloak […]

Pandemia aurreko ohitura berreskuratuz, Almeneko kideek Aretxabaletako San Migeletan parte hartu zuten. GURA eta  DBHko ikasleek ekoiztutako produktuak salgai jarri zituzten zapatuko ferixan, eta batxikoek, aldiz, ikasbidaiko gastuak finantziatzeko taberna jarri zuten. Goizean zehar ere, errifak salgai jarri zituzten, otarra irabazteko aukerarekin. Giro freskoa izan zen kalean eta azoka ohikoa baino txikiagoa, itxuraz.  Ikasle gazteenak […]