BERRIAK

Begirada positiboa eta humanoa izenburupean argitaratu zuten, aurreko asteburuan, gure ikastolari buruzko erreportajea. Irakurri.

Horren berri jaso dute bailarako hedabideek asteon: Mondraberri, DV, GOIENA, eta TUlankide. Hona hemen, berriz, bihar ikastola ordezkatuko dituztenen talde-argazkiak. Ikastolarekin batera Ikerlan eta MUko Goi Eskola Politeknikoa ere ordezkatuko dute, hein baten, izan ere, eurekin lankidetzan aritu da aurten ere Arizmendi Ikastola. Zorte on bihar eta ondo ibili!

Laugarren mailakoak “Ameriketara joan nintzen” gaia lantzen ari direla-eta, aurreko astean Iñaki Gonzalez Basabeazpiko irakaslearen eta ikasle baten osabaren solasaldia izan zuten Maien inguruan. Ikasleak, oso gustura haiek kontatutakoak entzuten! Bestalde, aurreko astean, Lehen gizakiak gaiarekin lotuta, lehenengo mailako ikasleak Eskoriatzako Ibarraundi museora joan ziren. Azkenik, orain egun batzuk, DBHko ikasleak Gazteluondora joan ziren bosgarren […]

Aretxabaleta eta Eskoriatzako kintoak Almenen eta Jose Aranan izan ziren Santa Ageda egunean, kantuan eta dantzan. Almenen irudi hauek (I, II) grabatu zituzten eta Jose Aranan, hauexek atera.

Atzo, Urdelardero ospatu zuten Eskoriatzan. Jose Aranako txikiek urtero egin ohi dute bat jaiarekin. Atzokoan, oso eguraldi txarra egin zuenez, ikastola barruan geratu ziren, goxo eta epeletan, gurasoek prestatutako txistorra majo dastatuz! Argazkiak.

Almeneko lehenengo ziklokoek ere Urdelardero eguna ospatu zuten atzo. Eskoriatzara joan ohi dira, baina aurtengo eguraldiarekin, horiek ere ikastolan bertan geratu ziren. Kanpora irten barik, baina ederto ibili ziren, hara eta hona. Ziria eskuan hartuta, DBHkoengana joan ziren kantari, batxilergokoengana, LHko gainerakoengana eta baita irakasle gelara ere. Trukean gozoki pila bat jaso zituzten eta ostean, […]

Eguazten goizean DBHko laugarren mailako 55 ikasle Iturripen izan ziren Mondragon Unibertsitateak antolatutako hainbat tailerretan parte hartzen. Bi tailer egin zituzten: diseinuko ingeniaritzan, objektu baten pertsonalizazioa, ikasleek egindako diseinua erabiliz eta mekanikako ingeniaritzan, zirkuitu neumatikoen muntaia eta funtzionamendua. Ikasleak gustura ibili ziren. Argazkiak.

Aurreko martitzenean Almeneko LHko hirugarren mailakoak Artium museoa ezagutzera joan ziren; eguraldi freskoa izan arren, asko disfrutatu zuten museoko instalazioak behatzen eta aztertzen. Ondoren, beraiek bihurtu ziren artista. Egun polita pasa zuten! Irudiak.

Hurrengo asteotan soziolinguistikarekin lotutako hainbat  ikerketa gai landuko dituzte taldetan DBHko hirugarren mailako ikasleek. Hori dela-eta, Garabide, AED eta Bazarako eragile eta arduradunak izan ziren martitzenean Gaztelupen. Eurei entzundakoa izango dute ikerketaren abiapuntu. Eskerrik asko Itxaro, Ion, Txema eta Telleri. Argazkiak.

Almeneko LHko hirugarren mailako ikasleek, usadio zaharrari jarraituz, Kandelaixo egunean, otsailak 2, San Blas opilak egin zituzten. Eta egin bakarrik ez, prezioa kalkulatu, pisatu; errezeta idazterakoan, denbora antolatzaileak identifikatu, prozesua marraztu… eta arratsaldean gustura dastatu, jakina! Hura bai egun borobila! Irudiak.