BERRIAK

Eta zerbait erostera etor zaitezten animatzen zaituztete. Euro bat, bi, bost, hamar eta hogeiko produktuak dituzte. Denetarikoak dira, baina batez ere, osagarriak (bitxiak, zapiak….), liburuak eta CDak. Aurreko asteburuan 270 euro jaso zuten, hori gutxiago etxean ikasbidaiarako eskatzeko. Eta bide batez, gizarte jasangarriaren aldeko keinua! Aurreko asteko argazkiak.

Atzoko egunean, Gaztelupeko DBH 3, 4 eta Batxilergoko ikasle ordezkariek lan-saioa izan zuten, indarrean dagoen greba araudia berrikusteko. Gabon aurretik abian den prozesuaren baitan, 13 ikasle eta bi irakaslez osatutako mahaia ari da araudi berria izango denaren proposamena lantzen. Ondoren,  planteamendu berria kontrastera eramango da eta iritzi jasotzea egingo da gurasoekin, profesionalekin eta gainontzeko ikasleekin. […]

Aurreko asteburuan EYPn parte hartu zuten hiru ikasle hurrengo kanporaketarako sailkatu dira. Beraz, Cordoban jokatuko den “National sessionera” joango dira. Hauexek sailkatuak: Eneko Mateos, Ane Martinez eta Maite Larrañaga. Zorionak, hirukote! Argazkiak.

Zapatuan, Gasteizko Europa jauregian, First Lego Leagueko Euskadiko txapelketa jokatu zen, eta bertan Arizmendi ikastolako lau talde egon ziren. Arduradunen esanetan, oso lan ona, giro bikaina, umore aparta eta jarrera izugarri ona erakutsi zuten ikasleek. Espainiako txapelketara joateko saririk ez zuten lortu, baina ikasleak eta irakasleak egindako lanaz harro egoteko moduan gaude. Gainera, Almeneko talde […]

Sinboloaren bueltan hainbat ekimen egin zituzten Olarten: kanpoaldean haurrek egindako sinbolo erraldoi bat jarri zuten, Irakasleak urre koloreko sinboloa jarri zuten amantaletan, eta haurrek koloreztatu egin zuten bakoitzak berea. Argazkiak.

Atzo, Haur minbiziaren nazioarteko egunean, Gazteluondokoek ere Aspanogi elkartea eta minbizia sufritzen ari diren haur, familia eta lagun guztiak izan zituzten gogoan. Euren indarra eta animoak bidaltzeko, eguerdian kanpoko jolastokian elkartu ziren eta lazo erraldoi eta esaldi ederrez eginiko pankartak erakutsi zituzten.

Haurren minbiziaren aurkako nazioarteko egunarekin bat egin zuten atzo Gaztelupen, eta horretarako, Aspanogi elkarteak luzatutako proposamen bat oinarri harturik, DBHko 1. eta 2. mailako ikasleak aretoan elkartu, argiak itzali, linternak piztu eta urre koloreko lazo handi baten inguruan eseri ziren. Hori baino lehenago, urre koloreko lazoak banatu zizkieten ikastolako gainerako ikasleei eta irakasleei. Argazkiak.

Azken hiru ikasturteetan, Gorka Gabilondo eta Gari Ibarzabal estatu mailako formazio batean ari dira parte hartzen (Deporte para la Educación y la Salud). Hori dela eta, hilean behin formazio saioak izaten dituzte; urtean zazpi edo zortzi saio. Horietako bi mintegiak izaten dira (bat Euskal Herrian eta bestea, Madrilen). Aurrekoan, otsailaren 14an, Gasteizeko Presentacion De Maria […]

GOIENAK jaso zuen gune honen berri.

Joan zen urtean bezalaxe, inauteri aurreko asteetan mozorro prestaketan murgilduta ibili ziren Gazteluondokoak. Aurten aukeratu duten gaia lorategia izanik, irakasleak lorazain jantzi ziren eta ikasleak, berriz, erle, marigorringo, armiarma, txorimalo, ipotx…. Martitzenean, taldeko argazkiak atera ostean, denok bildu eta mailaka dantza bana eskaini zieten gurasoei. Ondoren, geletara itzuli eta txokolatezko batidoa bizkotxoarekin jan zuten. Primerako […]