BERRIAK

BATUkoek BIZI asteak abiatu berri dituzte. Aste honetan DBH 1 eta 2koen txanda izango da, hurrengoan, berriz, LH 5 eta 6koena. DBH 1ekoek, “Pius sodalitas valens” (zintzoagoa, elkartasun gehiagokoa eta osasuntsuagoa) izena duen BIZI astea egingo dute. Aste hau Batzen PROI-aren amaieran kokatuta dago eta bertan olinpiadak lantzen dira. Bertan ikasleek, taldeka, osasun fisiko, sozial […]

Aurtengo ikasturtean ere martxan jarri dugu Umezaintzako ortua! HH 4 urtekoak azokara joan eta han erositako produktuak landatzen egon gara azken egunetan. Hemendik aurrera, ortua zaindu eta honi lotutako PROIa lantzen ibiliko gara. Irudiak. Testua: Umezaintzako taldea.

Joan zen asteartean Jose Aranako 4 eta 5 urtekoak Eskoriatzako museoan izan ziren. Lantzen ari diren emozioen inguruko PROIarekin lotutako irteera izan zen. Haurrek globoen bitartez, Euskal mitologiako pertsonaiek pizten zizkieten emozioak identifikatzeko dinamika bat egin zuten bertan. Irudiak.

Abian da 16 urte bitarteko haur eta gazteentzako urriko euskarazko produktuen katalogoa. Zortzi ataletan sailkatuta daude: aldizkariak, musika, liburuak, komikiak, informatika, jostailu eta jokoak, filmak, eta gurasoentzako materiala.   Azken nobedadeak ikusteko, sartu web gunean.

Azaroaren 18tik abenduaren 2ra bitartean egingo da euskaraldiaren 3. edizioa. Gogoratu norbanakoen izen-emate epea zabalik dagoela; parte hartzea berretsi edo izena emateko hurrengo estekaren bitartez egin behar da. Herrietan ere izena emateko mahaiak jarriko dira urrian zehar. Animatu eta parte hartu!

Ikasturte berriarekin batera, ohiko guraso bilera pedagogikoei ekin diegu. Gelatan egunerokotasunean bizi dugun eraldaketa pedagogikoa familiei transmititzea da elkargune hauen helburua; berrikuntzan ematen ditugun urratsak gure hezkuntza komunitatera gerturatzea. Jarraian, Arimazubiko GURA eta BATU, eta Santa Teresako GURA eta BATUko  irudiak. Mila esker bileretara gerturatu zineten familia guztioi! 

Basabeazpi, Jose Arana eta Almen guneetakoak Aretxabaletako Yaakar elkartearen ekimenarekin bat eginez, diru-bilketa kanpaina jarri dute martxan.  Yaakar elkarteak Senegalen jarduten du eta abiatu duten ekimen honen bitartez, material humanitarioz eta ospitaleko materialez betetako kontainerra bertara helaraziko dute. Proiektuan Debagoieneko ospitaleak eta Aretxabaletako Lanbide Eskolak ere parte hartuko dute. Bidaliko dituzten materialen artean ospitaleak emandako […]

Pasa den ostiralean Arrasaten ospatu zen Maritxu Kajoi festaren bueltan ekintza bereziak antolatu zituzten Santa Teresa, Umezaintza eta Olarte gunekoek. Batzuk kalera irten ziren Maritxuri abestera, beste batzuk korbata eta paper-txori dotoreak margotu zituzten. Festa giro ederrean pasatu zuten ostirala! Jarraian, Santa Teresa, Umezaintza eta Olarteko irudiak.

La Caixa Fundazioaren eskutik, Arrasateko Arizmendiarrieta plazan kokatuta egon zen autobuseko tailerrean (Labemprende) parte hartu zuten Ferixalekuko Lanbide Heziketako ikasleek.  Ekimen honi esker Osasun larrialdiak, Mikroinformatika eta GIKAI heziketa ziklokloak ekintzailetzara hurbildu ziren ordu eta erdi iraun zuen ikastaroari esker: ingurunea behatuz, arazoei irtenbideak emanez eta negozio ideiak diseinatzen. Irudiak.

Joan zen astean Almenekoek Torrebasoko eremuak txukuntzen jarraitzeko auzolana antolatu zuten. Basoa desbrozatu, elkarguneak txukundu, porlana eta harriekin eserlekuak eraiki, egurrezko mahaiak muntatu… Horrelakoetan aritu ziren. Guraso, profesional, ikasle… ikastolako talde ederra elkartu ziren!  Mila esker Torrebaso txukuntzeko lanetan hasieratik prest egon zaretenoi, eta gerora ere auzolanetara batzen joan zaretenoi. Elkarrekin eta komunitatean eraikitakoa askoz […]