BERRIAK

DBHko laugarren mailako ikasleek ekintzailetasuna ikasgaian kooperatibak sortu dituzte Valnaloneduca sare asturiarraren proiektuaren baitan. Hori dela-eta, inguruko hainbat enpresetako produktuak jarriko dituzte salgai (Jakioneko produktuak, Aspaceko otarrak, Gatzagako txokolatea….). Horren berri zehatzagoa eta eskaera egiteko aukera, formulategi eta guzti, datorren astean jasoko dugu Alexia bitartez.

Aurten ere jarri dute martxan jolastorduko txapelketa Gazteluodon, eta neska-mutilak gogotsu hasi dira parte hartzen, eta ez bakarrik jolas eta jokoan, baita animatzaile eta epaile lanetan ere. Bikaina egiten ari diren lana! Argazkiak.

Eguaztenean, University Colleges Leuven-Limburg (UCLL) unibertsitateko Ann Emonds irakaslea, Huheziko irakasle batekin batera, Gaztelupen izan zen ezagutzen batxilergo berritzailean nola lan egiten dugun. Emonds LH eta BHko irakasle da graduetan, teknologia arloan, eta BHko irakasleekin STEAM hezkuntza-markoa lantzen dihardu. Bisitaren bidez, BHn zientzia eta teknologiaren berrikuntzarako ditugun estrategiak ezagutu nahi zituen, eta ikusitakoa ikusita harrituta […]

Aste honetan batxilergoko lehenengo mailako hainbat ikaslek proiektu berritzailean zer eta nola egiten duten lana azaldu diete Gaztelupeko DBHko laugarren mailako ikasleen gurasoei. Datorren ikasturtean etapa berria hasiko duten gazteen gurasoek atentzio handiz jarraitu zuten Txomin Arriaran, Lera Garcia, Jon Elosegi, Kepa Lezeta, Eider Magunazelaia eta Ane Arrizabalagak eman zizkieten azalpenak. Gurasoek zituzten kezka eta […]

Donostiako saioa irabazita sailkatu ziren Espainia mailakora, eta hangoan ere bikain jardun ondoren, batxilergoko lehenengo mailako Ane Martinez, Eneko Mateos eta Maite Larrañaga nazioarteko fororako sailkatu dira. Bejondeizuela, hirukote, eta segi gozatzen eta asko ikasten! Argazkiak.

Laster bukatuko dituzte ikasturte honetako azken proiektuak batxilergoko lehenengo  mailako ikasleek. Proiektuetan murgilduta dabiltza, aurtengoan laugarren aldiz. Bideo honetan, bi aste hauetako ibilbidea.

Eta datorren eguaztena bitartean bidaliko beharko dituzte, maiatzaren 2an amaitzen baita epea. Almenen DBHko hirugarren mailakoak aritu dira lanok prestatzen eta Gaztelupen, DBHko laugarren mailakoak.  Aurtengo gaia: irudi digitala gure bizitzako harremanetan. 20 bat lan aurkeztuko dituzte Almenen zein Gaztelupen. Ikasleak gogotsu eta interesez ibili dira! Maiatzaren 17an jakingo dira irabazleak. Informazio gehiago.

Gazteluondoko laugarren mailako ikasleak uraren proiektuan murgilduta egon dira azken bost asteetan. Horretarako, asmakizun honetatik abiatu dira: zer da azal gogorra duena, azukre mendiak desegin, elefantea hotzez mantendu eta harri erraldoiak apurtu ditzakeena? Talde kooperatibo erara, hainbat esperimentu egin dituzte eta amaieran, hidro-errepresentazioa edo aurkezpen antzeztua eskaini diete seigarren mailako ikasleei. Argazkiak.

Batxilergoko lehenengo mailako ikasleak dira Oihana eta Haizea. Egubakoitzean, Gipuzkoako Eskolarteko Bertsolari Txapelketako finalean, txoko bana lortu zuten podiumean: Haizeak hirugarren postua eta Oihanak txapela. Oihanak berak agurrean esan bezala, txapelaren erdia Haizearena ere ba omen da. Hona, elkarrekin egindako ariketa bat, eta GOIENAren albistea. Zorionak biei eta zorte on Oihanari, ekainaren 9an Saran jokatuko […]

Arimazubiko ikasle nagusiek, hirugarren ziklokoek, Umezaintza eta Uribarriko ikasleei bisita egin diete asteon. Oraingoan, eskulanak egin dituzte elkarrekin; zapatilak lotzen ikasteko barne-zola edo plantilak. Lokarriak lotzen ikasteko opari bikaina! Argazkiak.