BERRIAK

Aurreko astean, bigarren mailakoak Araotz aldera joan ziren uraren bidea egitera. Teknologia eta Fisika-Kimika ikasgaietan landu dituzten hainbat gai bertatik bertara ikusi zituzten, hala nola, energia motak. Uraren bidea egin eta Oletako zentral elektrikoa bisitatu zuten. Eguraldia lagun, gainera, primeran ibili ziren! Argazkiak.

Santa Teresan bikoteak osatuz ere lantzen dute irakurketa sarritan, bai HHn baita LHn ere. Oraingoan ere horrela egin dute, maila desberdineko ikasleak elkartu dira, eta binaka irakurri. Esperientzia polita izan ohi da eta ikasleek elkarrengandik asko ikasten dute. Harreman berriak egiteko ere zita garrantzitsua! Argazkiak.

Atzo Arimazubiko seigarren mailakoek azoka solidarioa egin zuten Arimazubiko plazan. Bertan saldu zituzten produktuak eskulanetan egindako lanak ziren, pultserak eta giltzariak, besteak beste. Pintxo gaziak eta gozoak ere prestatu eta saldu zituzten. Ateratako dirua, ikasleek bailarako GKEen artean botazioa egin ondoren, aurten ere Felix Iñurrategi Baltistan Fundaziorako izatea erabaki zuten. Hortaz, Baltistaneko neskak eskolara joan […]

Down sindromearen nazioarteko egunari ukitu berezia emanez, aste honetan Goienetxe elkartekoen bisita jaso dute Olarteko haurrek. Urritasunen bat daukaten hainbat kide bertaratu ziren euren hezitzaileen laguntzaz, eta hiru urteko umeei (Murukoei) aniztasunaren inguruko ipuin bat kontatu zieten. Ostean, arratsaldea haurrekin pasatu zuten, mikroespazioetan jolasean. Ahaztezina, esperientzia!  Argazkiak.

Gaztelupe eta Almeneko DBHko laugarren mailako ikasleak Gatzagako museoa eta Jakion enpresa bisitatu berri dute. Laster eurak salduko dituzte beraiek ekoiztutako produktuak, eta horri begira, bisita oso baliagarria izan zen. Gaztelupekoak eta Almenekoak

Santa Teresako haurrek garapen jasangarriarekin lotutako proiektu bat egin dute, eta bertan egindako ekintzen arteko bat izan da birziklatutako materialarekin txotxongiloak egitea. Arrakasta handia izan du eta txotxongilo politak eta originalak egin dituzte! Argazkiak.

Arimazubiko lehenengo zikloko natura tailerreko ikasleak F. Lezeta basozainarekin ibili dira lanean. Lau saiotan kaskabeltza eta amilotxarendako kabi-kutxak nolakoak diren eta nola egiten diren ikasi dute. Txori horiek zuhaitz zaharretan egin ohi izan dituzte habiak, baina aspaldi honetan inguruetan zuhaitz zahar gutxi ditugunez bost kabi-kutxa egin dituzte. Ikastolan bertan jarri dute bat. Argazkiak.

Martxoaren 17an, Arizmendiko igeriketako barne txapelketa egin zen, eta bertan 45 igerilarik hartu zuten parte. Talde handia ari da kirol horretan, 95 ikasle. Argazkiak eta bideoa.

Lehen zikloko ikasleak azken asteetan “Gu ere sukaldari “proiektuan ibili dira murgilduta. Lehenengo mailan, gorputzaren zaintza landu dute, eta bigarrenean, berriz, lanbideak. Ondoren, tandemetan antolatuta, sukaldeko amantalak jantzi dituzte eta hainbat errezeta egin. Gainera, elkarte bat bisitatu dute eta gurasoen laguntzarekin zenbait lanbidez eta osasun gaiez hitzaldiak jaso. Gaiari amaiera emateko gurasoei ikusi eta ikasitakoa […]

Txanelan Txina herrialdea landu dute hilabete honetan, eta oraindik gaia guztiz amaitu ez badute ere, oporrak hartu bezperan, txinatar jatetxera joan dira bertako jakiak probatzera. Gehienak bapo eta gustura bazkaldu zutela esanez itzuli ziren ikastolara. Gaiari amaiera emateko, berriz, opor ostean, Txinari buruz ikasitako guztiarekin aurkezpena egingo diete beste mailetako ikasleei. Argazkiak.