BERRIAK

Astelehen eta martitzenean Arizmendi Ikastolako talde zabal bat Lleidan izan da, han jesuitek duten Claver ikastetxearen instalazioak bisitatzen eta egiten ari diren proiektu pedagogikoei buruzko informazio eta formazioa jasotzen. Bigarren Hezkuntzako lau kide, Lehen Hezkuntzako hamahiru eta ikastolako zuzendaria bertaratu ziren. Hamaika ideia eta ekarpen pilatuta bueltatu dira.

Aurreko egubakoitzean ederto ekin zioten egunari Santa Teresan. Goizean goiz eguzki izpiak agertu zirenerako, ikasle eta irakasleak ilusio bereziaz hurbildu ziren ikastolara, ez zen nolanahiko eguna! 25. urtez entzungo baitziren auzoan euren danbor hotsak. Lehenengo orduan, ohiko marrazki lehiaketarako tartea hartu, eta ondoren, 11:00etan, danborradari ekin zioten. 25. urteurrenari kolore berria emateko, gainera, guraso talde […]

Dagoeneko bukatu dute ikasturtea batxilergoko bigarren mailako ikasleek. Eta hori ospatzeko eguaztenean egin zuten ohiko agur bazkaria, bai Almenen bai Gaztelupen ere. Ederto pasatu zuten ospakizunean, irakasle eta ikasleek elkarrekin. Bertsoak, musika ekitaldiak, emozioak, oroitzapenak…. Gaztelupeko ikasleek opari ederra egin zieten irakasleei, hitz hauekin! irakasleek ikasleei, berriz, bideo honekin. Almeneko ikasle eta irakasleen jarduna blogean […]

Maiatzaren 4, 5 eta 6ko asteburuan Valentziako Marni eskolako abesbatzako 28 kantari izan ziren gurean. Larunbat goizean Arrasateko erdigunetik bisita gidatua izan zuten Arrasate Zientzia Elkarteko adituen eskutik. Eguerdian, Arantzazu bisitatu eta arratsaldean San Frantzisko elizan kontzertua eskaini zuten, gure LMH eta DBHko abesbatzakoekin batera (guztira 100 haur). Ondoren, Arizmendiko abesbatzako familiek prestatutako mokadu goxoa […]

Aurreko zapatuan, gimnasia aerobikoko Espainiako txapelketan parte hartu zuten, Sorian, Gaztelupeko hiru ikaslek: DBHko laugarren mailako Nahia Irazolak eta Izaskun Garziak eta DBHko hirugarren mailako Uxue Azkuek. Bada, lehenengo biek, institutuko Noah Berrocal ikaslearekin batera lehenengo postua, hots, urrezko domina, lortu zuten hiruko modalitatean (sei talderen artean onenak izan ziren). Bestalde, bakarkako lanetan Uxue Azkuek […]

Hauek dira gure ikasleen artean saria jaso dutenak: Santa Teresakoa Maren Tena (ipuina),  Maren Tena eta Josune Nieto (poesia) eta Maren Tena eta Miriam Moya (bertsoa). Gazteluondoko Alaitz Etxebarria eta Lide Azkarate. Almeneko Kattalin Linazisoro (ipuina), Malen Basabe, Haizea Arana eta Oihana Arana (bertsoa) eta Esti Benitez (poesia). Gaztelupetik, azkenik, Olatz Zuazubiskar, Judith Zubia eta […]

Aurreko astean, maiatzaren 10etik 11ra bitartean, Olarteko bost urtekoak Beizamara joan ziren. Bertan, hainbat ekintzatan parte hartu zuten: ogia egin zuten, askotariko jolasetan jardun, astoan ibili, baserriko lan eta ohiturak ezagutu, eskulanak sortu, dantzaldiaz gozatu… Gaua ere ederto igaro zuten, goxo-goxo lagunartean. Esperientzia ahaztezina beraientzat.Primeran ibili ziren! Irudiak.

Almeneko ikasleek ikasgai horretako lan baten amaiera rap bidez aurkeztu dute. Abestia eta informazio gehiago blogean.

DBHko laugarren mailako Naia Badiola, Alaitz Mujika, Haizea Apellaniz eta Irene Murua Huelvan izango dira maiatzaren 20tik 27ra bitartean, Espainiako saskibaloi txapelketan. Zorionak, eta ondo ibili laukote!

DBHko laugarren mailako fisika-kimika ikasgaiko ikasleek EHUk antolatutako kristalizazio lehiaketa batean parte hartu dute. Aukera horri esker, modu ludikoan kimika ikasgaiko hainbat kontzeptu eta prozedura landu dituzte eta ikerketa egiteko metodologia barneratu. Ikastolan bertan barne-txapelketa egin ondoren, aurreko egubakoitzean, Leioako EHUko campusean izan ziren ikasle batzuk Gaztelupeko I. Azkarate eta Almeneko I. Arexolaleiba irakasleekin batera. […]