BERRIAK

Eguaztenean, ikastolako Agenda 21eko ordezkariak Arrasateko alkate Maria Ubarretxenarekin elkartu ziren Kulturaten. Bertan, alkateak aurreko urtean zehaztutako proposamenen inguruko informazioa eta azalpenak eman zien ikasleei. Ikasleek, berriz, euren arazo edo proposamenak luzatzeko aukera izan zuten. Argazkiak.

Batxilergoko lehenengo maila egiten ari da Nahia Almenen, eta aurreko asteburuan Eibarren jokatu zen federatu mailako txapelketan lehenengo postua lortu zuen banakako lanean (pilota modalitatean) eta baita taldekoan ere. Hamar urterekin hasi zen lehiaketetan parte hartzen Eibarko Ipurua gimnasia erritmikoko klubean, eta hainbat sari irabazi ditu bere ibilbidean, besteak beste, 2015eko Espainiako txapelketan zilarrezko domina […]

Azken hilabeteotan “Eskola Bideak” proiektua lantzen ari dira Almeneko DBHko laugarren mailakoak. Bertara oinez hurbiltzeko bidearen inguruko hausnarketa egiten ari dira, baina ohikoak diren distantzien, denboren eta erosotasun kontuak albo batera utzita, sentsazioen eta artearen ikuspegiari heldu diote. Zer da Almenerako bidea guretzako? Zein sentsazio, sentimendu eta oroitzapen pizten dizkigu ideia horrek? Galdera horiei sormenez […]

Almenekoak ikasbidaitik itzuli berritan hainbat ekintza izan dituzte asteon: GOIAZ, Lanbide Heziketen azokara joan dira eta baita Mondragon Unibertsitatera ere. Bertan, neumatika eta diseinuko tailerrak bisitatu dituzte. Zirkuitu neumatikoak, ordenagailu bidezko simulazioak eta binilozko inprimaketak egin ahal izan dituzte. Gaztelupekoak ere izan ziren GOIAZ azokan eta atzo, Ikerlanen.

Debagoieneko ikastolek, Aranzadi, Txantxiku eta Arizmendik, hainbat ekintza bateratu antolatu ohi dituzte. Horietako bat da Euskal Giroan Jolasean. Horretarako, DBHko lehenengo mailako ikasleekin hezkuntza formalean hainbat eduki lantzen dira, eta ondoren, topaketa bat egin, horiek praktikan jartzeko. Aste honetan, Euskal Giroan Jolasean ekimenean, herri kirolak, euskal pilota, punteria jolasak eta jolas endenmikoak landu dituzte. Ikasleak […]

LHko 3. mailakoak, ilusio handiz aritu dira lau astetan zehar Euskara bihotzean eta lagun berriak munduan” proiektuan. Xei Liri ongietorria eman nahian, baina azkenean ezin. Ikus bideoa!

Atzo, Gazteluondoko seigarren mailako ikasleek azoka solidarioa jarri zuten herriko plazan eta Biterin. Gelan eskuz egindako hainbat produktu jarri zituzten salgai, eta lortutakoa ASPANOGI elkarteari emango diote. Bigarren hiruhilabeteko proiektua borobiltzeko ekintza izan zen atzokoa. Argazkiak.

Irakurzaletasunak gure ikasleengan duen garrantzia dela-eta, aurten ere Juul kanpainan parte hartu dute Lehen Hezkuntzakoek. Martitzen honetan, JUUL hauteskunde literarioen 20. edizioa ospatu da, ikasleek gustuko liburuak eta ilustratzaileak aukeratuta. Gutxi gorabehera 16.000 boto-emaile izan dira Euskal Herriko ikastoletan. Almen, Gazteluondo, Santa Teresa eta Arimazubi.

Aste honetan Arimazubiko bigarren mailakoen txanda izan da. Oraingoan, maila horretako neska-mutikoek gozatu dute Udalako Ingurugiro Eskolako ekintzekin. Aurretik izan diren ikasleek bezala, hauek ere uraren zikloa landu dute. Argazkiak.  

Aurreko astean, bosgarren eta seigarren mailako ikasleek Eroskiko elikadura eskola bisitatu zuten. Bertan igaro zuten goiza, sukaldaritza tailer baten, Basque Culinary Centerretik etorritako bi sukaldariren laguntzarekin. Ikasleek bazkaltzeko beharrezkoak zituzten osagaiak erosi eta horiekin otordua prestatu: bakailao marmitakoa, barrengorri gisatuak arrautza lorearekin eta marrubiak jogurtarekin. Oso sukaldari trebeak direla demostratu zuten, eta egindakoa dastatzeko aukera […]