BERRIAK

Aurten ere Santa Ageda eguna ospatu dute Santa Teresakoek. Ikasleak ahotsa findu eta Santa Ageda eta Elurra teilatuan abestiak kantatu zizkieten senitartekoei. Argazkiak.

Haur Hezkuntzako zuzendari  Aitor Elizarani egindako elkarrizketa jasotzen du, besteak beste, asteleheneko Gara egunkariak. Kazetariak erreportajeari jarri dion izenburua, Konfiantzaren pedagogia, pertsona bakoitzak dakartzan gaitasunak garatzeko bidea eta Elizaranen hitzetatik nabarmendu duena: “Argi daukagu sinisten dugun hori besteekin partekatu nahi dugula”.

Martitzenean, ez-ohiko bisita izan zuten Basabeazpiko haurrek. Lehen astronauta diabetikoa den Josu Feijoo euskalduna hurbildu zen Aretxabaletako gunera bertako haurrekin egotera. Azken asteetan “Gure unibertsoa” proiektua landu dute, eta amaiera biribila emateko astronauta bat zuzenean ezagutzeko parada izan dute. Aukera aprobetxatuz, Almeneko LHko bigarren eta bosgarren mailakoak ere izan ziren berarekin solasean. Albistea, TUlankiden, DVn, […]

Matrikulazio garaia iritsita, hainbat gunetan, Santa Teresan eta Gaztelupen kasu, ate-irekiak eta informazio-bilerak izan dira. Gurasoek aukera izan dute gure lan egiteko modua, gure espazioak, KPan oinarritutako eguneroko bizitza… bertatik bertara ikusteko. Santa Teresan,  bisita gidatuan, ardatz izan dute sarrera malgua, irakurketa-idazketa prozesua, matematika manipulatiboa, IKTen erabilera, hainbat hizkuntzen lanketa…; Gaztelupen, berriz, profesionalak ez ezik […]

Lehenengo mailako Osasun Larrialdietako ikasleek lehen laguntza inguruan saio praktikoa eman berri diete Erizaintza Laguntza Osagarriko ikasleei. Bihotza eta birika berpizteko teknikak eta itotze kasuetan zer egin behar duten ere azaldu diete. Gustura bai ziklo batekoak bai bestekoak, eta baita profesionalak ere ikusita ikasleek elkarri egindako ekarpenekin ikasten dutela! Argazkiak.

Otsailaren 10ean, hurrengo zapatuan, izango da aurtengo First Lego League-ren EAEko kanporaketa. Gasteizko Europa Biltzar Etxean egingo da egun osoz, eta bertan izango dira gure berrogei bat ikasle, lau taldetan banatuta. Aurtengo helburua da, Hydro Dynamics erronkaren bitartez, ikasleek uraren giza zikloaren inguruan ahalik eta gehien ikastea (ura non eta nola aurkitu, garraiatu eta modu […]

Aurreko bi eguaztenetan Eskoriatzako liburutegian Xabier Olaso idazlearekin egon ziren Almeneko Lehen Hezkuntzako laugarren mailakoak. Aurretik berak idatzitako Erraldoiak liburua irakurri eta horretaz gozatzeko parada izan zuten. Olasorekin izandako saioa primerakoa eta berezia izan zen. Idazle, pertsona eta euskaltzale handia, benetan! Eta liburua, oso dibertigarria! Argazkiak. eta bideoak (bat, bi eta hiru)

Arimazubiko lehenengo eta bigarren mailako ikasleek bertako aita eta tronpeta irakaslea den Edorta Aiastuiren bisita izan berri dute. Bigarren mailako Unai Gartzia ikaslea tronpeta ikasten ari da berarekin Arrasateko Musika Eskolan, eta bien eskutik tronpeta jotzeko oinarrizko teknika irakatsi zieten ikasleei. Ondoren, erritmo biziz, lau kanta eskaini zituen Unaik. Bukatzeko, erraza izan ez arren, tronpeta […]

Ia hiru astetan buru belarri ibili ondoren, gaur bukatu dituzte ikasleek euren proiektuak Gaztelupen eta Almenen. Pozik ideiekin, prozedurarekin eta baita emaitzekin ere! Hona hemen, bideo baten, Almenekoen laburpena.

Urtarrilean hasita, Arimazubiko arratsaldeak guztiz bestelakoak dira lehenengo zikloko ikasleentzat, izan ere, modu ludikoan eta metodologia aktiboak ardatz hartuta, arratsaldero ikasleek bost tailerretan hartzen dute parte: Hizkuntza, Matematika, Artistika, Gorputz Adierazpena eta Natura. Tailer bakoitza hainbat mikroespaziotan banatuta dago, eta ume bakoitzak gura duen tailerrera joateko aukera dauka.  Astelehenetik ostegunera daude tailerrak zabalik, eta oraingoz […]