BERRIAK

Tradizioari jarraituz, abenduaren 5ean gure Ikastolako txikiek San Nikolas ospatu zuten. Santa Teresa, Arimazubi eta Olarteko haurrak kalera irten ziren San Nikolas kantua ozen abestu eta bolo-boloetan denetariko litxarreriak jasotzera.  Ederto pasatu zutela kontatu digute! Irudiak.  

Euskararen Nazioarteko Eguna abenduaren 3an izan ohi da, eta aurten larunbata izan denez, aurreko egunean, abenduaren 2an, ospatuko genuen gure Ikastolan, Euskaraldiaren azkenengo egunarekin bat eginez. Denetariko ekintzak antolatu genituen: Jolasak, abestiak, txistorra jana, txokolatea, txisteak, bertsoak, kontzertuak, hitzaldiak, txapelketak, batukada…  Egun zoragarria pasatu genuen gune eta egitasmo guztietan! Gaur, bihar eta beti… GUK EUSKARAZ! […]

Azaroaren 29an Partaideta sozialaren organoak bilera egin zuen. Saio bateratua izan zen, Gaztelupe gunean. Goretti Maturana, ikastolako lehendakariak eman zion hasiera batzarrari, Partaidetza Sozialeko organoko gurasoen aurkezpenarekin eta ondoren Mireia Muruamendiaraz zuzendariak hartu zuen hitza. Bi gai nagusi izan ziren hizpide: Hezkuntza legea eta Ikastolako komunikazio plana. Hezkuntza legearen gaiari dagokionez, garrantzitsua da Ikastolako komunitatea […]

Ingurumen hezkuntzaren lanketa burutzeko Naturan Hezten deitzen den proiektua sortu dugu gure Ikastolan, eta ikasturte honetan Almen gunean gauzatuko da. Almen natura eremu baten dago kokatuta eta ikastolan baso bat izateaz gain, Torrebaso, baratza eta oilategi bat ditugu. Almenek kanpo espazioa handia eta aberatsa dauka eta iazko urtean, ikasgela kanpora ateratzeko asmoz, gunean bertan dagoen […]

Azaroaren azkenetan umezaintzako 4 eta 5 urteko haurrak Izenaduba Olentzeroren baserrian egon ziren. “Euskal Mitologia” proiektua lantzen ari dira eta baserrian pertsonai guzti hauek ikusteko aukera izan zuten, Olentzero, Maridomingi, Napo astoa, Galtzagorria, Lamiak, Basajaun,Tartalo… Bertan bazkaldu, jolastu eta buelta egin zuten Arrasatera. Primeran pasatu zuten! Irudiak. Testua: Umezaitzako taldea.

Azaroaren 23an Buesa Arena pabilioian jokatu zen Baskonia vs Zalgiris Kaunas partidua ikusten izan ziren LH 3tik DBH 2rako adineko ikasleen LEK-eko 327 familia, horietatik 199  gure Ikastolakoak. Arratsaldeko 19:00tan finkatu zuten hitzordua autobusez Gasteizera joateko. Partidua 20:30etan hasi zen eta Baskonia izan zen garaile, 93-73 Zalgiris-en aurka. Behin partidua amaituta kantxara jaitsi ziren guztiak, […]

Urtarrilaren 6an arratsaldeko 19:00etan Donostiako Kursaal Jauregian izango den Benito Lertxundiren emanaldirako sarrerak zozketatuko ditu TU Lankidek.  Ospakizun gauean bere ibilbideko azken lana aurkezten jarraitzeaz gain, bere abestirik ezagunenak ere eskainiko ditu Lertxundik.  Zozketan parte hartzea nahi izanez gero, hurrengo albistearen amaieran agertzen den formulategia bete.

Abenduak 15ean, osteguna, 18:00etan Kulturateko Areto Nagusian egingo den ipuin kontaketaren berri eman nahi dizuegu. “Mundutik Arrasatera, Arrasatetik Mundura” egitasmoaren baitan, herriko kultur eta hizkuntza aniztasuna ikustaraztea helburu duen Ipuin Kontaketa antolatu dute abenduaren 15erako, Bibliotekak, Aniztasun Sailak eta Ekin Emakumeak elkarteak elkarlanean. Gure herrietako errealitatea kultur anitza eta eleanitza da. Aberastasun hori ezagutu eta […]

Bost astetan hitanoz hitz egiten ikasteko balio duen Appa Hi! aplikazioa sortu du Badihardugu euskara elkarteak, CodeSyntax-ekin elkarlanean eta Gipuzkoako Aldundiaren babesarekin. Aurkeztu berri duten bertsioa euskara batukoa da, aurretik Oñatiko hitanoa ikasteko aplikazioa egin baitzuten. Honek arrakasta izan zuela ikusirik, bertsio berria egitea erabaki zuten. Naiz-en argitaratutako albiste osoa, hemen.

Hezkuntza legearen bueltan, Tasio Erkizia, ezker abertzaleko militanteak, idatzitako artikulua duzue irakurgai gaurkoan.