Aurten ere, ikasturte hasierarekin ekin diogu ekitaldi bereziei. Almen zein Ferixalekuko mikroinformatika eta larrialdietakoak, bailarako mendi tontorrak bisitatzen ibili dira. Kurtzetxiki, Urbia, Muru, Atxorrotx, San Adrian, Gatzaga, Urkulu, Aranguren, Kurtzebarri, Elizabarri… Hamaika txokotan ikusi ahal izan dira gure ikasleak!
GIKAI (Gizarte eta Kirol Animazioaren Irakaskuntza) heziketa ziklokoak, urtero legez, taulak hartu eta Deban surf egiten izan dira. Erizaintzaikoak, berriz, Ferixalekuko sukaldean beraiek prestatutako hamaiketako goxoa dastatzeko aukera izan dute.
Hemen argazkiak:
- Almen gunekoak, mikroinformatika eta osasun larrialdietako heziketa ziklokoak, mendian.
- GIKAI heziketa ziklokoak, surf egiten.
- Erizaintza zaintza osagarrietako heziketa ziklokoak, hamaiketakoaz gozatzen.