Arizmendiarrietaren Lagunak Elkarteak eta Gontzal Mendibil musikariak, Arrasateko Udalaren babesarekin sortu duten HAZIA musika ikuskizuna estreinatuko dute bihar, irailaren 17an, 20:00etan, Arrasateko Amaia antzokian. Hurrengo egunean ere, beste emanaldi bat egingo dute 19:00tan.
Gure eredu kooperatiboaren inspiratzaile eta sustatzaile izan zen Jose Maria Arizmendiarrietaren bizitza, obra eta orainerako zein etorkizunerako irakaspen baliagarriak erakusten dizkigu musika-lan honek.
Sarrerak Kutxabanken pasabidean, Arrasate.eus atarian, Arrasateko Ezkiña, Itsaslur, Kajoi eta Monte tabernetan, eta ekitaldia hasi baino ordubete lehenago, leihatilan eskuratu ahal izango dira.