BERRIAK

Gazteluondon 6.mailako ikasleei agur esateko hainbat ekitaldi egin zituzten asteazkenean. Lehenik eta behin, guneko arduradunak hitz batzuk eskaini zizkien hemendik aurrera biziko duten etapa berri honetan indarrak izan dezaten. Jarraian, aurreskua dantzatu zieten ikasle talde batek. Honen ostean, lehenengo mailakoek norberaren bidelagunari opari bana eman zioten, urte honetan egin duten lana eskertzeko. Amaitzeko 6. mailakoek, […]

Ikasturtea bukatzear dago eta Olarteko 5 urteko haurrak datorren ikasturtean Gazteluondora joango dira etapa berri bati hasiera emateko. Asteazkenean, Santa Barbarara egin zuten irteera eta bertan Otso Benitoren bisita izan zuten! Otso Benitok diploma bana banatu zien eta izugarrizko giro politean goiza bertan pasa zuten. Eskerrik asko Otso Benito Olarteko nagusienei bisita egiteagatik eta ondo […]

Gaztelupeko 4. mailakoek puntarik punta ibili dira ekintza desberdinak antolatzen: LH 5. eta 6. mailako ikasleekin ginkanak, autodefentsa feminista, defentsa pertsonala Oier Uribarren ikaslearekin, Usakora bizikleta irteera, orienting tailerra, lehen sorospenen tailerra Ferixalekuan, txalaparta tailerra Mikel Egiguren irakaslearekin, LipDub grabaketa eta baita Arrasateko errekak eta inguruak garbitzen ere. Argazkiak eta LipDub bideoa.

Ikasturte bukaera dela eta San Juanak datozela aprobetxatuz, asteartean, ekainak 18an, Arimazubi guneko ikasle guztiak danborrada egin zuten. Arimazubi plazara joan ziren eta danborraz alaitu zuten goiza. Ostean, Arimazubi guneko jolastokian jarraitu zuten danborra jotzen. Argazkiak.

Ekintzaz betetako eguna izaten da gaurkoa Almenen: kirola, dantza, lankideei eta ikasleei agurrak, tradizioa diren Torrebasoko igoera eta DBH4 eta LH1en arteko partidua, bertsoak… Hunkigarria izaten da oso goiz hau urtero eta aurten ere hala izan da. Argazkiak eta bideoa.

Atzo Gaztelupeko DBH4ko ikasleak Olarten egon ziren bisitan eta tailer ezberdinak antolatzen. Olarteko 3, 4 eta 5 urteko haurrek goizean zehar aurpegi margoketan, mural erraldoietan, koreografia ezberdinetan… eta beste hainbat ekintzetan parte hartzeko aukera izan zuten. Gainera, 5 urtekoak bisita bueltatu zieten Gaztelupekoei. Bertan, Illart Azkarate irakasleari esker kimikako esperimentu batzuk ikusteko aukera izan zuten […]

Azken urteotan ikasturte bukaerako azken asteetan Almeneko DBHn ohiko klaseak eten egiten dira eta hainbat tailer eta proiektu jartzen dira martxan. Gai berezi eta interesgarriak lantzeko aukera izaten dute horrela ikasleek. Proiektuetako askok ikastolan bertan edo gizartean eragitea bilatzen dute.  Hala bada, aurten lehen sorospenak nola aplikatu eta ikusmen urritua daukatenen bizitza nolakoa den ezagutu […]

Gaztelupeko DBH1ekoek ikusmen murriztuaren inguruan egin dute tailerra. Begisare elkartetik ikastolako lankide ohiak diren Itsaso Nuin eta Xabier Latorre etorri ziren beste elkartekide batzuekin batera. Ekintza ezberdinak egin zituzten bai gelan eta baita patioan ere ikusmen murriztua duten pertsonen bizipenak praktikatzeko. Argazkiak.

Pasa den egunetan, ikastolan oro har eta Almenen ere, Saharako Kanpamenduetako bizilagunei begirako material bilketa egin dute. Almenen, konkretuki eskola-materiala bildu dute. Argazkiak

Almeneko LH2ko ikasleak naturaz gozatzeko proiektu bat egin dute. Urkulu inguruan ibilbide bat prestatu eta eskuorri bat egin dute ibilbidean ikusitako animalia, landare eta bestelakoekin. Proiektua gizarteratzeko asmoz Ibarraundi museora eraman dituzte eskuorriak bertan bisitariek eskura izan ditzaten. Argazkiak.